Tá sraith mhealltach nua de phodchraoltaí tagtha chun cinn a chuirfidh éisteoirí faoi gheasa ag draíocht mhiotaseolaíocht na hÉireann agus í curtha le ceol corraitheach. Is sraith nuálach de podchraoltaí é ‘Tales of Tuatha Dé Danann’/’Scéalta Thuatha Dé Danann’ arna léiriú ag Corcra Media agus atá maoinithe ag Foras na Gaeilge. Tá meascán mearaí ann den scéalaíocht agus den cheol a chuirfidh anam i seanscéalta na hÉireann. Díríonn an chéad sraith ar athinsint ar thóraíocht Dhiarmada agus Ghráinne, a nochtar i gcúig chlár mhealltacha a chuirtear i láthair i nGaeilge agus i mBéarla.

Gráinne Holland a scríobh agus a rinne tráchtaireacht ar na scéalta a chuirtear i láthair le ceol meallacach a chum na hamhránaithe Stephen Loughran agus Joseph Campbell McArdle. Cruthaítear atmaisféar rúndiamhair leis an cheol seo agus ceol de chuid Ghráinne Holland ó na halbaim ‘Corcra’ agus ‘Ceol an Sióg’ chomh maith.

Tagann ‘Scéalta Thuatha Dé Danann’ chun cinn mar dhroichead uathúil idir an sean agus an nua, ag nascadh an domhain chomhaimseartha le scéalta ársa go furasta trína cur chuige nuálach scéalaíochta. Le scéalta clasaiceacha mhiotaseolaíocht na hÉireann agus insint úr cheannródaíoch, cinntíonn an tsraith go rachaidh na scéalta síoraí seo i bhfeidhm ar lucht éisteachta comhaimseartha agus thar theorainneacha an ama.